Ang palatuntunang ito ay at naglalayong:

• Makiisa sa pagdiriwang ng pagpapahalaga ng kalusugan ng mga mamamayan ng Barangay BF Homes, lalong lalo sa mga Kabataan;
• Maipaunawa ang kahalagahan ng wastong pagkaing pangkalusugan, lalo na sa mga inang kalahok upang ito’y maging kaugalian sa kani-kanilang tahanan;
• Maipagdiwang ang Buwan ng Pagkaing Pangkalusugan sa pangunguna ng Rotaract Club KAPWA (KAbataan Para sa Wastong Aksyon) at nilahukan ng sumusunod:

Ang aming mga naging katuwang sa paglilingkod ay ang BF Sangguniang Kakataan Council, BF Homes Office at sina Congressman Roilo Golez, Konsehal Baby Bustamante at mga 30 Rataractors.  Dumalo rin sina DCC Vhell Arias, Pangulong Brenda Hernandez ng RCP Metro, mga kasapi sa Rotary Ilyne at Myla at ni Parañaque Vice Mayor, Gus Tambunting.  Ang mga naging kalahok ay kinabibilangan ng:

• 40 mga bata na salat sa kalusugan
• 42 mag-aaral mula sa mga Day Care Centers
• 15 guro ng mga Day Care Centers
• 5 mag-aaral mula sa Mababang Paaralan ng Sampaloc 2
• Mga ina ng mga bata

Nagsimula ang palatuntunan sa pagbigay ng mga makahulugang kalatas ang mga kinatawan ng BF SK Council at sina Pangulong Joey Landicho ng RAC KAPWA at DRR Cathy Gonzales. Ikinatuwa ng lahat and pagpapakita ng likas na karungungan sa pagsayaw ng mga batang mag-aaral ng iba’t ibang Day Care Centers, na may kasuutang tugma sa pagdiriwang.

Ang mga ina ay natuto sa kahalagahan ng wastong kalusugan. Sa kagandahang-loob ng RAC SIBAMP, RAC PLMuntinlupa, RAC Palanyag-Tramo Dos at mga SK Kagawad, isang pagtuturong pagluto ang isinagawa na layong ipamulat sa mga ina ang paghahanda ng pagkaing mura ngunit masustansya.  Nagbigay rin ng dagdag na kaalaman si Pang Brenda Hernandez tungkol sa kabutihang dulot ng malunggay sa ating katawan.

Para sa kasiyahan ng mga bata, ipinalabas ang pelikulang Urduja at nagdaos ng mga laro’t gawaing pambata tulad ng pagkukulay at paligsahan sa paglikha ng mga poster at slogan. Ito ay pinamunuan ng RAC Makati, RAC Paragon, RAC Alabang at RAC YMNP.

Ang huling bahagi ng palatuntunan ay ang pagbibigay ng bitamina (Enervon C Plus) na kaloob ng D3830 Rotaractors at mga sipilyo at toothpaste na mula naman sa BF SK Council.